Ukens ansatt: Trine

Navn: Trine Rishovd

Stilling: Instruktør, har kun spin dette semesteret

Hvor lenge har du jobbet i SiT?
Eg starta i SiT rett etter nyttår, men har vore instruktør i fleire år.

Hva er arbeidsoppgavene dine?
Ein viktig del av jobben som spininstruktør er å motivere deltakarane til å få opp pulsen og utfordre seg sjølv. Både musikk, oppbygginga av programmet og motivering undervegs i timen spelar ei viktig rolle her. Ellers svarar eg på spørsmål frå deltakarar om alt frå sykkelsko til andre timar i SiT.

Hva synes du er det beste med jobben din?
Det beste med å vere instruktør er når ein deltakar, heilt gjennomvåt av sveitte, kjem bort etter timen og seier ”bra time, eg kjem igjen neste gong også!” med eit stort (slitent) smil. DET smeltar eit instruktørhjerte

Hva liker du å trene?
Eg er veldig glad i gruppetimar og her er spin, ulike typar step og dansinspirerte timar favorittane. Det går også ein del i styrketrening både med og utan vekter, i tillegg til joggeturar dersom leggane mine vel å spele på mitt lag. Turar i fjellet er ein storfavoritt om sommaren!

Utdannelse:
Har bachelor i idretts- og bevegelsesvitenskap og pedagogikk, og held no på med master i spesialpedagogikk.

Interesser:
Trening og bevegelse, venneskravling, og lage god mat (..og ete den etterpå). Kan godt tenke meg å reise meir enn eg har gjort, det er så mykje ein skulle sett og opplevd! Blir lett fascinert av spesiell natur og dyreliv, slik som nebbdyr og sjøkuer.

Beste treningslåt/musikk:
No for tida er Muse – Map of the problematique, Nickelback – Burn it to the ground og Pendulum – The vulture veldig innafor hjå meg. Elles kan alltid David Guetta få bli med på laget.

Personlig hilsen:
Gruppetimeutvalet i SiT er meeeget bra, og eg meinar alle kan finne ein type time dei føler passar seg. Prøv ulike ting, finn ut kva du likar og det du føler du får utbytte av. Trening gjer godt for meir enn sjølve kroppen, berre kjenn på endorfinrusen og humøret etter du har gjennomført ei god økt ☺
..og jenter, det er ikkje flaut å bli sveitt!!